Vawiin chawhnu dar 2:00PM khan Tisopi khua-a Hmeichhe Self Help Group, Centenary Turmeric Women Self Help group te enkawl leh hman tur Aieng herhna leh Pack-na Unit chu Pu VL Hruaizela Khiangte,PD DRDA in a hawng. He Turmeric Processing & Packaging Unit hi DRDA hnuaia IWMP( Integrated Wasteland Management Project) leh Horticulture Dept hnuaia MIDH ( Mission for Integrated Development of Horticultute) scheme tangkawpa din a ni a. IWMP atang hian Rs.13,75,600/- hman a ni a, MIDH atangin cheng Rs.4,00,000/- hman a ni thung a ni.

He Aieng sawngbawlna Unit din hna hi 2nd May,2016 khan thawh tan a ni a,Thla 9 chhunga hna hi zawh hman a ni. Turmeric Processing & Packaging Unit hian Heavy duty slicer pahnih(2),Hammer Type pulverizer,Hydro extractor,Plastic Sealing machine pahnih(2), Pouches for packaging te bakah Pack cum Processing House te,Drying Yard te,Plant venhimna fencing te, Aieng silfaina tur water tank 2 te, ( tui Bualpui ram 1.3Km hla atanga lak a ni a) 3Phase power supply te a neih a ni.Heavy duty Slicer hian Aieng bakah Sawhthing leh Hmarcha te pawh a her dip thei a,Aieng pack-na tur Pouch hi GEE GEE (Food&Packaging) P.Ltd,Delhi atanga lei a ni a. Aieng hi FSSAI (Food Safety Standard Authority of India),Ministry of Health,Gov't of India,Dept of Health Services,Mizoram kaltlanga License hi neih a ni. Tunah hian Aieng herh tur Rawm material 35 MT a awm mek a, aieng hi 100g a pack a hral tur a ni a, tunah hian pack tawh hi pack 1000 a awm mek a ni.

Vawiin hun hmanah hian khuallian Pu VL.Hruaizela Khiangte,PD, DRDA thusawiin, Tisopi khuaa Aieng Processing leh Packaging Unit hawn theia a awm hi ka lawm tak zet a, He Aieng Processing & Packaging Unit hian Tosopi khua-a Hmeichhe Self Help Group te kaltlangin Tisopi khua hi intodelhna kawngah rahbi thar a tuksak a, a hlawk thei ang bera chhawr tur erawh chuan Tisopi khaw mipuiah a innghat dawn a. He Aieng processing & Packaging Unit in a herh tur hneh taka Aieng, Sawthing leh Hmarcha te supply tur erawh chuan a khawnawta in tan hova, in thawhrim a ngai dawn a, chu inthawhrimna chuan chhungkaw tin te intodelhna thlen ngei ka beisei a, duhsakna ka hlan bawk a che u, a ti.

Vawiin Turmeric processing Unit hawnna inkhawm hi Pu CH.Lalmuanpuia, DHO in a kaihruaia, Pu H.Sahu in devotion hmangin,Jesse T.Lalchhuanawma,WDT,IWMP-III in Technical report a pe a, L.Lalnunhlima'n lawmthu sawina hun a hmangin, vawiin prohramme hi a khar ta a ni.