Mizorama hmeichhiate’n hma an sawn leh zual theihna tur sawihona State Level Seminar on ‘Issues and Challenges for Women & Child Development  in Mizoram : The Way Forward’ tih thupuia hmangin vawiin khan Aijal Clubah seminar neih a ni a, Pi K.Vanlalrawni, Secretary, Social Welfare department chu khuallian niin, Pi M. Zohmingthangi, Chairman, Mizoram State Commission for Women chu special invitee a ni.

Seminar hi session hniha then niin, mi hrang hrangin paper an present te sawihoin, Pi Laldikkimi, Director, social Welfare department in hmeichhia leh naupangte tana ei tur tha pawimawhna leh hemi lama central sorkar hmalakna hrang hrang leh Mizoram dinhmun tarlanna ‘Health & Nutrition – Central Programme, Scheme related to Women and Children and their Implementation’ tih a present a. Dr. Laltanpuii, Asst Professor, Deptt of PA, MZU in ‘Domestic  Violence Against Women in Mizoram: Incidence & Legal Remedies’ tih a present bawk.

Heng bakah hian ‘Mental Health Issues of Women’ tih Dr. Zoengpari, Associate Prof. Deptt of Psychology, MZU in  presentin hmeichhiate’n rilru damlohna an neih dan dinhmun a sawilang bawk a. Dr. Lalbiakdiki Hnamte, Prof. Deptt of Education, MZU leh Dr. Lalhriatpuii, Associate Prof. Deptt of Economics te present present sawihona neih ani bawk a ni.

Seminar hi session hnihah then niin, State Resource Centre for Women, Social Welfare Department, Mizoram sorkar, MHIP Gen Hqrs leh Social Work Deptt,MZU te tangkawpina buatsaih a ni a. Session hmasa zawk hi Pi Laldikkimi, Director, Social Welfare Deptt in a kaihruai a, session hnihna hi Dr. Henry Z. Pachuau, Asst Prof. Deptt of Social Work, MZU in a kaihruai thung a ni.