Vawiin khan Lawngtlai DC Conference Hall-ah Lawngtlai District-a political party hrang hrangte tan MLA Inthlanpui 2018 lo awm tura campaign kaihhnawih dilnate Suvidha application hmanga online-a dil dan zir hona buatsaih a ni.

He hun hi Election Officer Pu Lalrinawma MCS chuan kaihruaiin, Suvidha application chungchang a sawi fiah a. Political party hrang hrang ai awhte bakah, Tuichawng Constituency-a RO Pu R. Lalremsanga MCS leh constituency hrang hranga ARO te pawh he training-ah hian an tel.

Model code of conduct hman a nih tawh avangin political party-te'n public meeting an neih dawn emaw, aurinna (loudspeaker) an hman dawn emaw, lirthei (vehicle) an hman dawn emawin RO hnenah dil zel a ngai tawh a. Awlsam leh hun heh lo zawnga he'ng dilnate hi tih a nih theih nan Suvidha online application hi buatsaih niin, vawiin hian a tih dan zir ho a ni.

Tun dinhmunah Lawngtlai District chhungah hian Suvidha online application hmang hian phalna dil tan a ni tawh a. RO-in phalna pahnih (2) a pe chhuak tawh a ni.