Vawiin khan Lawngtlai Bawrhsap Pu N. Chakhai MCS hovin a office chamber-ah Cable TV digitisation kal zela DAS Mission Digitisation leh STB data seeding chungchang sawi ho a ni.

He hunah hian Lawngtlai District chhunga Multi System Operator (MSO) leh Local Cable Operator (LCO)-te koh khawm an ni a. Sawrkar laipuia Ministry of Information & Broadcasting hnuaia cable TV disitisation kalpui mek chungchang sawi ho niin, hemi kal zelah hian analog signal tibova digital signal chauh hman a nih theih nana hma lak dan te, pawh ruk theih loh encrypted channel chauh pek chhuah a nih theih nana Digital Addressable System (DAS) Mission Digitisation hnuaia hma lakna leh Set Top Box (STB) data seeding (MIB-a subscribing awm zat hriattirna) chungchang te sawi ho a ni.

Lawngtlai District-a subscriber awm zat atanga chhuta STB data seeding hniam lutuk chungchangah Management Information System (MIS) upload lam ngai pawimawh tur leh dik taka seeding kalpui turin cable operator-te chu ngen an ni a. Ngengpui lamah analog signal hmanga cable TV la pe chhuak an awm nia report awm pawh DC office atanga en fiah ni se, tih a ni bawk.