Kumin 2018 a  HSLC leh HSSLC a Science leh Mathematics subject a zirlai ti  tha zual pathum theuh te hnenah vawiin khan Pi Esther Lal Ruatkimi, Commissioneer & Secretary, School Education Department chuan Chanmari YMA Hallah Incentive Cash Awards for Proficiency in Science & Mathematics,2018 a sem.

He cash award hi HSLC & HSSLC , Mizoram Board of School Education ina a buatsaih examination result a pakhatna atanga pathumna thleng te hnenah leh school atanga Class IX & XI Promotion examination a Science & Mathematics subject a titha ber te  hnenah  sem thin a ni.

He incentive cash award  hian HSLC ah science leh mathematics subject te chauh a huam a; HSSLC result ah chuan Mathematics, Physics, Chemistry leh Biology subject te a huam a ni. Vawiina cash award semah hian dawngtu zawng zawng hi zirlai 99 an ni a  HSSLC a ti tha zual zirlai 23 te hnenah sem niin, HSLC ah 38, Class IX Promotion ah 27 leh Class XI ah zirlai 11 te hnenah sem a ni.

Incentive Cash Awards semna  inkhawm hi SCERT Director Pi Laldawngliani Chawngthu in a kaihruai a ni.