Science Promotion Wing, SCERT, Mizoram leh Department of Science & Technology (DST) tangkawp buatsaih INSPIRE AWARDS SCHEME 2010 hnuaia Ist State Level Science Exhibition chu vawiin chawhma khan Govt. Comprehensive Model School, Mission Veng-ah Planning Board Vice-Chairman Pu Lalkhama'n a hawng.
SCERT Director Pi Malsawmthangi kaihhruai Exhibition hawnna inkhawmah hian Pu Lalkhama chuan Mizote hi kutthemthiam hnam, sap missionary te lo luh hma daih pawha silai leh a zen siam chhuak thiam kan ni tiin he Exhibition hian zirlaite talent haichhuah kawngah tangkaina thui tak a nei a beisei thu a sawi. Science chuan mihring te tan ei tur tha, silhfen tha zawk, kalkawng tha leh thil dang tam tak min siam sak a; leilung chhung ber atanga van thengreng boruak thlenga thil a nih dan dik tak min hriatchhuah tirin hei hian suangtuahna leh rinna at thlak pui pui a tibo thin a. Science leh sakhua inkalh anga ngaih thin tibovin Siamtu kutchhuak belhchian dawlzia min zirtir zawk a ni, a ti.
State Nodal Officer leh Dy. Director, SCERT Pu R.S.Chauhan chuan INSPIRE Awards tobul leh a thil tum te sawizauna a nei a. District huapa inelna neih a nih hnuin a ti thazual thlan ten State pumhuapa inelna an neih leh dan tur a tarlang a ni.
INSPIRE Awards Scheme hi kum 2008 khan sorkar laipuiin pawmin 11th Plan hnuaiah Rs.1979.25 crores a ruahman sak a, 13th December 2008 khan Prime Minister Dr.Manmohan Singh chuan a hawng nghe nghe a ni. Mizoram tan bik Rs.79,45000 sanction niin kum 2010-2011 chhunga he Award dawng turin district zawng zawng atangin zirlai 1589 thlanchhuah an ni a, Rs.5000 theuh lawmman pek tura ruahman a ni. District tina lawmman dawng tur zirlai zat chu Aizawl-730, Champhai-285, Kolasib-117, Lawngtlai-21, Lunglei-224, Mamit-27, Saiha-34 leh Serchhip-151 a ni. Heng zing atangin zirlai ti thazual 78 thlanchhuah te chu vawiina tan tak Ist State Level Science Exhibiton-ah an tel pha a ni. INSPIRE Awards kalpui danah hian hmarchhak state zingah Mizoram chu ti tha ber a ni nghe nghe.
Vawiin Exhibition-ah hian endiktute chu - 1). Dr.Lalnundanga, Associate Prof., Dept. of Forestry, MZU, 2). Dr.S.K.Mehta, Associate Prof., Dept. of Botany, MZU leh 3). Pu Lalrinthara Pachuau, Asst. Prof., Dept of Physics, PUC, Aizawl te an ni.
INSPIRE Awards 2010-2011 & 2011-2012 buatsaih danah hian District tin atanga tel thei zat bituk a ni a. Sorkar laipui chuan tel thei tur a bituk 100% an tel ngei a duh avangin hming pek theih hun 31st July, 2011 thleng a pawtsei leh ta bawk a ni.
Mizoram atang hian a titha zual 5% (a tlem berah zirlai 5) thlanchhuah an ni ang a, chungte chuan rampum huapa inelna National Science Exhibition 14th-16th August, 2011 chhunga New Delhi-a Prime Minister hawn turah Mizoram ai an awh dawn a ni.
State Nodal Officer leh Dy. Director, SCERT Pu R.S.Chauhan chuan INSPIRE Awards tobul leh a thil tum te sawizauna a nei a. District huapa inelna neih a nih hnuin a ti thazual thlan ten State pumhuapa inelna an neih leh dan tur a tarlang a ni.
INSPIRE Awards Scheme hi kum 2008 khan sorkar laipuiin pawmin 11th Plan hnuaiah Rs.1979.25 crores a ruahman sak a, 13th December 2008 khan Prime Minister Dr.Manmohan Singh chuan a hawng nghe nghe a ni. Mizoram tan bik Rs.79,45000 sanction niin kum 2010-2011 chhunga he Award dawng turin district zawng zawng atangin zirlai 1589 thlanchhuah an ni a, Rs.5000 theuh lawmman pek tura ruahman a ni. District tina lawmman dawng tur zirlai zat chu Aizawl-730, Champhai-285, Kolasib-117, Lawngtlai-21, Lunglei-224, Mamit-27, Saiha-34 leh Serchhip-151 a ni. Heng zing atangin zirlai ti thazual 78 thlanchhuah te chu vawiina tan tak Ist State Level Science Exhibiton-ah an tel pha a ni. INSPIRE Awards kalpui danah hian hmarchhak state zingah Mizoram chu ti tha ber a ni nghe nghe.
Vawiin Exhibition-ah hian endiktute chu - 1). Dr.Lalnundanga, Associate Prof., Dept. of Forestry, MZU, 2). Dr.S.K.Mehta, Associate Prof., Dept. of Botany, MZU leh 3). Pu Lalrinthara Pachuau, Asst. Prof., Dept of Physics, PUC, Aizawl te an ni.
INSPIRE Awards 2010-2011 & 2011-2012 buatsaih danah hian District tin atanga tel thei zat bituk a ni a. Sorkar laipui chuan tel thei tur a bituk 100% an tel ngei a duh avangin hming pek theih hun 31st July, 2011 thleng a pawtsei leh ta bawk a ni.
Mizoram atang hian a titha zual 5% (a tlem berah zirlai 5) thlanchhuah an ni ang a, chungte chuan rampum huapa inelna National Science Exhibition 14th-16th August, 2011 chhunga New Delhi-a Prime Minister hawn turah Mizoram ai an awh dawn a ni.
