Information & Communication Technology (ICT) lama Mizoram dinhmun thlirin vawiin khan IT Minister Pu Zodintluanga hovin Secretariat Conference Hall-ah ICT kaihhnawih department te leh a thawktu Agency hrang hrang te an thukhawm.
He meetingah hian National e-Governance Programme (NeGP)ti puitling tura Mizoram sorkar hmalak tawhte leh state dangte nena Mizoram dinhmun ngaihthlak a ni a. NeGP tipuitling tura a ki pawimawh deuh deuh State Wide Area Network (SWAN), State Data Center leh Common Service Centerte atana hma lak tawh te bakah State Service Deliver Gateway & State Portal te, National Portal, E-District, Digital Land Resource Information System, Telecommunication infrastructure leh IT Skil development a Mizoram dinhmun te thlirho a niin hna thawktu Agency hrang hrang ten an hma an hlen tawh chin leh an harsatna neihte ngaihthlak a ni a. Mizorama computer zirna, Private Training Institute hrang hrangte mumal zawka kalpui dan tur chungchang pawh sawi a ni.
Pu Zodintluanga chuan e-governance chu sorkar kalphung fel leh langtlang nei tura a pawimawh em avangin department tin ten an ngaih pawimawh a tul tih a sawi a. State dangte aiin Mizoram chu kum hnih kum thum laiin a hnufual tawh tih sawiin chak zawka kalpui a nih theih nan IT department chuan department dangte nawr hmanhmawh turin theihtawp a chhuah zel a pawimawh a ni, a ti a. Mizoram State Legislative Assembly-in anmahni hmalakna a e-governance thui tak an lo kalpui tawh chu lawmawm a tih thu pawh a tarlang bawk a ni.
National e-governance hi Prime Minister flagship programme pakhat a nih angin Planning Commission chuan a ngai pawimawhin state tinte hmalakna hi thla tin uluk takin a thlithlai reng a. Mizoram sorkar hnuaia hemi enkawltu IT department chuan nasa taka tan la in e-governance training nei turin officer engemaw zat chu Hyderabad, New Delhi leh Manipal ah te tirh an ni tawh a. IT Resource Centre Khatla ah sorkar hnathawk 150 chu e-governance & office automation training neihpui an ni tawh bawk a. E-governance kalpui tura Planning Commission-in department tinte an line Ministry hnena DPR thehlut tura a tih angin IT department chuan sorkar department 5, Finance, Taxation, Planning, Food & Civil Supplies leh Land Revenue & Settlement te DPR a buatsaih zo tawh a. Department dangte pawh hmatiamin a thawh chhunzawm zel dawn a ni.
SWAN atana hmalakna ah Point of Presence (POP) 26 chu sak zawh tawh a niin a dang 15 chu kumin fur hma a zawh theih beisei a ni a. State thenkhat te an kal thui tawh viau laiin Mizoram, Meghalaya, Nagaland, Jammu & Kashmir leh Rajasthan te chuan SWAN hi an la buaipui tan dawn chauh a. Mizoram a hnufualna chhan pakhat chu a enkawltu department inthlak kual vang niin he meetingah hian sawi a ni a. Chumi rual chuan SWAN atana Common Service Center 136, thla 6 chhunga hawng hman tura rawih, Zoom Developers ten tun thlenga center hawn mumal an la nei lo chu IT Minister Pu Zodintluanga chuan insawifiah turin agency aiawhte a ti a. An harsatna te a ngaihtlak hnuin Minister chuan Zoom Developers te chu a rang thei ang bera hma la tur leh a tul anga lo enzui turin IT department hotute chu a hrilh nghal a ni.
ICT meeting ah hian ZENICS Chairman Pu Ronald Sapa Tlau leh Department hrang hrang hotute bakah Agency hrang hrang M/S. Zoom Developers, M/S. Wipro, C-DAC, M/S KEC International aiawhte an tel a ni.
Pu Zodintluanga chuan e-governance chu sorkar kalphung fel leh langtlang nei tura a pawimawh em avangin department tin ten an ngaih pawimawh a tul tih a sawi a. State dangte aiin Mizoram chu kum hnih kum thum laiin a hnufual tawh tih sawiin chak zawka kalpui a nih theih nan IT department chuan department dangte nawr hmanhmawh turin theihtawp a chhuah zel a pawimawh a ni, a ti a. Mizoram State Legislative Assembly-in anmahni hmalakna a e-governance thui tak an lo kalpui tawh chu lawmawm a tih thu pawh a tarlang bawk a ni.
National e-governance hi Prime Minister flagship programme pakhat a nih angin Planning Commission chuan a ngai pawimawhin state tinte hmalakna hi thla tin uluk takin a thlithlai reng a. Mizoram sorkar hnuaia hemi enkawltu IT department chuan nasa taka tan la in e-governance training nei turin officer engemaw zat chu Hyderabad, New Delhi leh Manipal ah te tirh an ni tawh a. IT Resource Centre Khatla ah sorkar hnathawk 150 chu e-governance & office automation training neihpui an ni tawh bawk a. E-governance kalpui tura Planning Commission-in department tinte an line Ministry hnena DPR thehlut tura a tih angin IT department chuan sorkar department 5, Finance, Taxation, Planning, Food & Civil Supplies leh Land Revenue & Settlement te DPR a buatsaih zo tawh a. Department dangte pawh hmatiamin a thawh chhunzawm zel dawn a ni.
SWAN atana hmalakna ah Point of Presence (POP) 26 chu sak zawh tawh a niin a dang 15 chu kumin fur hma a zawh theih beisei a ni a. State thenkhat te an kal thui tawh viau laiin Mizoram, Meghalaya, Nagaland, Jammu & Kashmir leh Rajasthan te chuan SWAN hi an la buaipui tan dawn chauh a. Mizoram a hnufualna chhan pakhat chu a enkawltu department inthlak kual vang niin he meetingah hian sawi a ni a. Chumi rual chuan SWAN atana Common Service Center 136, thla 6 chhunga hawng hman tura rawih, Zoom Developers ten tun thlenga center hawn mumal an la nei lo chu IT Minister Pu Zodintluanga chuan insawifiah turin agency aiawhte a ti a. An harsatna te a ngaihtlak hnuin Minister chuan Zoom Developers te chu a rang thei ang bera hma la tur leh a tul anga lo enzui turin IT department hotute chu a hrilh nghal a ni.
ICT meeting ah hian ZENICS Chairman Pu Ronald Sapa Tlau leh Department hrang hrang hotute bakah Agency hrang hrang M/S. Zoom Developers, M/S. Wipro, C-DAC, M/S KEC International aiawhte an tel a ni.
