IWMP Champhai - III Project hnuaiah tunlai hian Production & Micro Enterprise kaltlangin ram neilo chhungkaw thlan chhuah te hnenah an intunnuna turin hmanrua chi hrang hrang sem chhuah mek a ni a, IWMP Champhai - III Project hian khaw 5 - Khawzawl, Tuipui, Ngaizawl, Neihdawn leh Tualpui khua te a tuam a ni.

Vawiin chawhma dar 11:00 khan Khawzawl BDO Office kawtah Puanthui khawl 7 sem chhuah niin Puanthui khawl hi Khawzawl atangin mi 3, Ngaizawl atangin mi 2 leh Neihdawn atangin mi 2 in an dawng a. Puanthui khawl bakah hian eizawnna bultanna tur thildang te pawh sem chhuah mek a ni a, IWMP Champhai - III Project hnuaia sem chhuahte hi Puanthui khawl bakah hian Black smith 3, Poultry 12, Carpentry 2, Haircutting 1, Electronics 4 leh Piggery 2 a ni a. Tin, tun tum sanction ah hian Livelihood atangin Khawzawl khawpuiah Self Help Group 7 din a ni a, mimal 3 hnenah Individual Assistant atangin tanpuina pek a ni bawk. Heng bakah hian IWMP Champhai - III Project in a huam khaw hrang hrangah hian Water Harvesting Tanky 6, Check Dam 10 leh Sangha Dil 3 siam a ni a, ram Hectare 6 a zauah Terrace laih a ni bawk.

IWMP Champhai - III Project hi kum 2013 atanga kalpui tan a ni a, Khawzawl BDO chu Project Implementing Agency a ni.