Vawiin khan Lawngtlai bul, Chawnhu khua KVK Lawngtlai District Training Hall ah Integrated Watershed Management Programme, Batch hmasa ber te tana Training, ni thum awh tur chu DRDA Lawngtlai District Project Director, Pu Dolianbuaia’n a hawng.

A hawnna inkhawmah Pu Dolianbuaia chuan, Lawngtlai District hi India rama District hnufual thlanchhuah 10 zingah kan la tel a, ek in nei lo chhungkua kan la tam em em a, kuthnathawh leh tharchhuah thil lamah kan hnufual bawk a, thiltha zawk hriat duhna lamah kan tuihal lutuk lo niten a lang bawk. Hei vang hian mipuiten tihtur hmabak kan ngah hle a ni. IWMP hnuaia hnathawhna hmu tura thlan leh Training tura kohte chuan chutiang nun diklo chu bansan tur leh Mizoram huap kuthnathawktu hlawhtlingte zinga chhiar tlak ni tura bei turin ka ngen che u a ni, a ti.

Hlawhtling tur chuan Training tha neih a ngai a, KVK mithiamte nen tang hovin bul kan tan ta a ni. Hre chianga, a taka thawk bawk tura beisei in ni a, in huanah kan rawn endik leh vek dawn avangin thawk thalo tan beisei chhunzawm tur a awm a rinawm tawh loh a ni, a ti bawk.

A hawnna inkhawm hi Pi Michele Lawmkimi, Programme Coordinator, KVK Lawngtlaiin a kaihruaia, Divisional Horticulture Officer Pu L. Lalhmingmawia, Pachuau leh Soil Department Range Officer Pu Vanrosiama ten thusawina hun an hmang bawk.

A hawnna inkhawm neih hnu hian KVK Lawngtlai a mithiam Subject Matter Specialist Pi Vanlalliani (Horticulture), Pu C. Rualthankhuma leh Malsawmkima Vanchhawng, Farm Manager ten zirtirna an pe chhunzawm a ni.

Lawngtlai District IWMP hnuaiah hian Project chi hrang 17 a awma, tunah hianBatch hmasa ber; Horticulture leh Soil hnuaia kuthnathawktute tan bik training hi buatsaih a ni a, midangte tan pawh buatsaih chhunzawm zel tura hmalak a ni.

 

Attachment

  • Loading attachment...