No.3577/2021-2022

Aizawl the 7th January, 2022 : Vawiin chawhma khan IWRD Minister Pu C. Lalrinsanga chuan Administrative Training Institute (ATI) Auditorium, MINECO-ah Agriculture leh Irrigation a hmasawnna kawnga chak zawk leh hlawk zawka hma lak anih theih dan tur chungchang-ah Block Agriculture & Irrigation Development Committee (BAIDC) Sensitization Training a hawng.

Minister Pu C.Lalrinsanga chuan Mizoramin ei leh bara kan intodelh theih nana JICA (Japan International Cooperation Agency) in master plan a lo siam tawh tihhlawhtlinna atana hmalakna a nih thu sawiin, Kum 1992 atanga khawvelin a buaipui Kyoto Protocol kalzel, tun dinhmuna UNFCCC hnuaia Conference of Party (COP) 26 ti a mithiamin an sawi, ram than zel nana Ecosystem humhalhna, venhimna leh tih thianghlimna atana thiamna leh hriattur pawimawh tak takte chu vawiin training-a kal zawng zawngte hian an neih a, ram tan mawhphurhna lian tak an nei tih hria a, thahnemngai taka training kal turin a ngen a. Ram hmasawnna hi leilung nena a inzawm hmasak phawt a ngaih thu sawiin, per capita income tihsan nana kawng pawimawh hmasa ber a nih thu sawiin, vawiina training tura lokal te hian mawhphurhna lian tak an neih thu leh chanvo an neih te ti hlawhtling zelturin a chah a. Kan tu leh fa te rochun tur ram tha leh ei leh bar zawn kawnga sulhnu tha kan neih theih nan training a kal zawng zawngte duhsakna a hlan a ni.

Traning hi Session I leh II a thenin, Session I ah hian Introduction to TCP and its Objectives and Goals leh Sensitisation of BAIDC System tih zir ho a ni ang a. Session II ah hian BAIDC member ten an tawn hriat atanga midangte hrilh chhawnna hun (sharing) hman a nih bakah sawihona hun hawn a ni bawk a ni.

Training Inaugural hi IWRD Secretary Pu J. Hmingthanmawia chuan a kaihruai a, training-ah hian district hrang hrang atangin IRWD, Agriculture, LR,S &WC, Horticulture department aiawhte an tel tha hnem hle a ni.