No.3578/2021-2022

Aizawl 7th January 2022: Vawiin khan DC Conference Hall-ah Kolasib District chhunga Sawrkar department hrang hrang hotute nen ni 26 January 2022-a Republic Day lawm dan tur relin thutkhawmna hun hman a ni a, Dr.H.Lalthlangliana, Deputy Commissioner in hun a kaihruai a ni.

Republic Day 2022 chu Deputy Commissioner’s Office tualzawlah ni 26 January, chawhma dar 8:00 ah hman nise tih a rel a ni a, school naupang atangin parade contingent an awm dawn lo a ni. He ni lawmna tur atan hian Department hrang hrangah mawhphurna insem niin a lawmnaa tel tur hian Head of Office, NGO hruaitute leh MJA-te sawm nise tih a ni bawk. Kolasib district chhunga Thingdawl leh Bilkhawthlir RD block bak ah Vairengte leh Bairabiah Republic day hi a hranin a lawmna hi kalpui tum a ni.

Hun kaihruaitu Dr.H.Lalthlangliana chuan hrileng kar a Republic Day lawmna kalpui tur a nih angin fimkhur tak a inkaihhruaina zawm a tul thu sawiin Covid-19 vaccine lak ngai pawimawh theuh turin kalkhawmte a chah bawk a ni.