North East Region Institute of Water & Land Management (NERIWALM) bul tumin NLUP Implementing Board leh NERIWALM tangkawp chuan ni 25 - 26, June, 2014 hian Aizawl-ah Integrate Water Resource Management (IWRM) chungchangah Conference an nei dawn.

IWRM Conference neih tur chungchangah hian vawiin chawhma dar 11 : 00 atang khan Pu PL Thanga, Member & Secretary, Mizoram State Planning Board kaihhruainain meeting pawimawh tak neih a ni a, hetah hian PHE Deptt., Minor Irrigation, Agriculture, Forest, Soil & Water Conservation leh NLUP Implementing Board (NIB) official te an tel.

He conference neih tur chungchanga lo kal NERIWALM hotu Prof. S.C Patra, Professor, Water Resources Engineering, NERIWALM chuan IWRM chungchanga conference neih tulna leh Central Sorkar lamin an ngaih pawimawh thute a sawi a, Pu PL Thanga chuan kalkhawmte hnenah conference neih huna tul leh mamawh hrang hrangte sawi hawnna a nei a ni.

Conference pawimawh tak mai, State pawn lam atanga neih rawttu leh bul rawn tum tu tur NERIWALM chungah Mizoram Sorkar-in lawmthu a sawi tih Pu PL Thanga chuan a sawi.

Vawiin meeting hian he conference neih hlawhtlinna tur hian Sub-committee hrang hrang an ruat nghal bawk a, hun remchang hmasaah Press mite kawmna neih nise an ti.

Attachment

  • Loading attachment...