No.3394/2019-2020

Supreme Court of India Order in Suo Moto Petition (C) No. 1/2020 angin Mizoram Sawrkar chuan High Power Committee to prevent the spread of COVID-19 in jails chu March ni 26.3.2020 khan a din a, Member te chu : 

Chairman :   Hon'ble Mr. Justice Michael   
                    Zothankhuma, Judge, Gauhati
                    High Court and Executive
                    Chairman, Mizoram State Legal
                    Services Authority.

Member :   Pi Lalbiaksangi,
                  Secretary to the
                  Govt. of Mizoram, Home
                  Department

                  Pi Maria CT Zuali,
                  Inspector General of Prisons,
                  Mizoram

Member Secretary : Pu Vanlalenmawia
Member Secretary, Mizoram State
Legal Services Authority.

He Committee hian ni 27.3.2020 chawhma dar 11:00 khan Judge Bangla, Gauhati High Court, Aizawl Bench-ah Meeting an nei a, tunlaia hrileng COVID-19 avanga Jail tang te him theihna tur ngaihtuah a ni. Tun dinhmunah chuan jail pathum - Central Jail, Aizawl, District Jail, Champhai leh Lungleiah te hian Jail-in a dawn zawh aia tam tang an awm mek a, hengte hi a tihtlem dan tur pawh ngaihtuah a ni bawk.

Jail tangte hi an chhungte'n tlawh theih a nih rih loh avangin, an duh chuan Jail tangte hian an chhungte an biak theih nan Central Jail, Aizawl, District Jail, Champhai leh Kolasib-ah te mobile phone dah a ni tawh a, jail dangah te pawh hian dah tura hmalak mek a ni.

Central Jail hian Doctor an nei tawh a, Jail dangte pawh hian jail tangte hriselna endik a nih theih nan District Hospital-a doctor ten a tlem berah kar tin vawi thum tal Jail tlawh se tih a ni bawk.

Bail dil te Court-in ngun takin tunlai boruak thlir chungin ngaihtuah nise.

Jail tang tharte tan inkhunghranna hmun siam nise tih sawiho a ni a, Prison department-in a tul angin hma lo la se tih a ni bawk.

Prison department-in Jail tang, kum upa leh hriselna chak lo te lo zawng chhuak se,  inenkawl tha zawk an dawn theih nan hma lo la se tih a ni bawk.

Under Trial Review Committee(UTRC) hi District pariatah kum 2015 khan din a ni tawh a. District zawng zawngah UTRC din a nih theih nan Member Secretary, Mizoram State Legal Services Authority-in Notification lo chhuah thar leh sela, Committee chuan Lock down a tawp atanga chawlhkar hnih ral hmain Mizoram SLSA-ah report thehluh tur a ni ang.