No.33943/2019-2020
‘The Mizoram Epidemic (COVID-19) Regulations, 2020’ - in a phut angin Covid-19 awmna ram/hmun atanga Mizoram rawn lut te chu Mizoram an rawn thlen atanga ni 14 chhung chu an inkhunghrang (quarantine) ngei tur a ni a. Heng Mizoram pawn atang rawn lut te hi Sawrkarin inkaihhruaina a siam ang zulzui zelin Home quarantine in emaw Designated Quarantine Facility ah emaw Isolation Facility ah dah mek an ni a.
COVID-19 laka mipuite him theih nan leh hriselna vawnhim a nih theih nan he inkaihhruaina hi Lunglei District-ah pawh ngawrh taka kalpui mek zel a ni a. Vawiin 29th March 2020 1:00 pm-a Health &Family Welfare Department-in a chhinchhiah data tlangpui chu hetiang hian a ni:
- Tun dinhmunah Lunglei District-ah Lunglei District-ah Quarantine mek mi 592 an awm.
- Mahni ina inkhunghrang (Home Quarantine) mi 579 an awm a. Hengte hi Lunglei Town Area ah mi 416 leh PHC/CHC/SDH Area-ah mi 163 an ni.
- Tin, mahni ina inkhunghranna neilo leh inkhunghrang duhlo te awmna hmun tur sawkar ina a ruahman Designated Quarantine Facility-ah mi 13 an awm mek a. Hengte hi Tlabung Tourist Lodge-ah mi 11 leh Government High School Lungleiah mi 2 an ni.
- Quarantine mekte zingah hian mi pariat (8) chu India ram pawn atanga rawn lut/haw an ni a. Tun dinhmunah harsatna nei an awmlo.
- Tun dinhmunah Covid-19 vei emaw rinhlelh dah hranna tura buatsaih 'Isolation Ward' ah dah luh anla awmlo.
- Tin, tun dinhmunah Lunglei District-ah mi 49-in Quarantine Period tluang takin an zo fel tawh a, insawiselna an neih loh avangin Quarantine atangin thlah zalen (release) tawh an ni.
- Hnahthial District-ah mi 59 mahni ina inkhunghrang (Home Quarantine) an awm mek bawk.
A hnuaia tarlan ang hian Lunglei District Level Task Force on Covid-19 chuan District Control Room pahnih a ruat a. Heng number te hi engtik lai pawhin biak pawh theih an ni e.
- Medical Control Room 6033151202/7629072340
- Administration & Logistic Matter 7641841447/9485129074
