No.3393/2019-2020

Lunglei District chhunga hnathawhna avanga mahni khua nilova tangkhangte leh State pawn atanga lokal te list thehluh tur tih kha list a rawn lut mek a, la thehlut lo emaw, hetiang mi neih thar pawh awm leh thei anih avangin a hnuaia proforma tarlan ang hian information thehluh tur a ni a. Thehluh a awlsam nan Village Council whatsapp group-ah khan thawn theih a ni ang.

List hi a hnuai ami ang hian hlawm thuma(Pont 1,2 leh 3 tan) siam tur a ni a.

1. Hnathawhna leh thil dang vanga awmna/chenna mumal neilo tangkhang laklawh mahni khua nilova awmte, State pawn atanga lokal ILP nei (emaw nei lo pawh),zin veivahna avanga tangkhang laklawhte.

2.Company/Contractor hnuaia thawk, Lunglei District-a awmte hi a hlawma camp-a awmte an ni hlawm a, an list pawh neih a ni a, chutih laiin hriat hmaihte awmthei a nih avangin VLTF te hian hemi chungchanga information tlangpui hi rawn thehluh tho tur a ni.

3. ILP neia Lunglei District-a awm hmun neisa-a khawsa/ inhlawh thin (e.g. cement mistiri, etc)te list hran neih tur a ni.

 

Village _____________                                          

 

Sl.No

Tangkhang laklawh awmna veng/khua

Tangkhang laklawh Permanent Address, Phone Number nen

ILP No

Mizoram rawn thlen/luhni

Sponsor tu hming leh Phone Number

Chhawrtu hming

 

 

 

 

 

 

 

                                                                                    

Name & signature of VLTF Chairman/VCP

 

 

Hemi chungchanga hriattur pawimawh dangte:

1. Hnathawhna emaw, zin veivahna avanga tangkhang laklawh ten eibar chungchangah leh thlenna/riahna chungchanga harsatna an tawk a nih chuan VLTF ten lo puihbawm nghala, a chung ami ang khian report thehluh thin tur a ni.

2. ILP neia (Cement mistiri leh hna dang thawk) Lunglei Districta awm hmun mumal neia khawsa/inhlawhthinte chu sponsor/a chhawrtu in an mamawh a ngaihtuahpui tur a ni a. sponsor/ chhawrtu hian harsatna a tawk a nih chuan VLTF hriattirin VLTF hian ruahmanna a siampui ang.Harsatna dang a awm a nih chuan VLTF hian DC/District Level Task Force ah a thlen tur a ni.

3. Zin avanga mahni chhungte bula tangkhang laklawhte chu list-ah hian telh a ngai lovang. Chutianga harsatna bik nei an awm a nih chuanVLTF tena tul anga lo buaipui a, report hran siama thehluh tur a ni.

4. Company/ Contractor hnuaia hnathawkte chu awmhmun nghet neia camp-a awmte anni a, tin,inluaha khawsate pawh an awm bawka. An ei bar chungchang hi a chhawrtu Company/Contractor in a ngaituah tur a ni a, harsatna an neih chuan VLTF ten enpui tur a ni, harsatna dang a awm a nih chuanDC/District Level task Force ah hriattir tur a ni.

5. Khualzin tangkhang Hotel-a awm mekte pawh an eiin chungchang chu Hotel neitu in a ngaituah sak tur a ni. Harsatna an tawk a nih chuan VLTF te hriattir tur a ni. Harsatna dang a awm a nih chuan DC/District Level Task Force ah hriattir zel tur a ni.

6. Tuna report pek bakah hian report tur neih thartheih a ni a,chungte pawh chu format ang hian report thehluh zel tur a ni.

        A chunga sawite khi hnathawka chhawrtu-in emaw, inluah neituten emaw, hnathawk hotuten emaw, hotel neituten emaw, khawtlang pawhin an awmna hmun atangin an chhuahtir ngawt tur a ni lo.