Vawiin khan DC Conference Hall, Mamit ah Pu Vanlalngaihsaka District Bawrhsap hovin Jal Kranti Abhiyan hnuaia hmalak dan tur ngaihtuah ho a ni.“Jal Kranti Abhiyan hian a tum ber chu Tuihna humhalh leh ruahtui khawl khawm pawimawh zia mipuite hnenah a tam thei ang bera zirtirna pek a ni a, hemi kawnga hmalak dan tur vawiin meetingah hian sawiho a ni.

Sorkar laipui hnuaia Ministry of Water Resources, River Development & Ganga Rejuvenation hmalakna in Jal Kranti Abhiyan hi din a ni a, District Level Committee din tur a a tih angin Mamit District ah pawh District Bawrhsap kaihhruaina in din tura hmalak a ni a. He hmalakna hnuaiah hian District chhunga tui harsat zualna khaw pahnih thlang chhuak tura tih angin Phuldungsei leh Hriphaw khuate chu hmalakna tur atan vawiin meeting hian a thlang a. Heng khuaa hmalakna atan hian sum a hranpa a awm loh thu leh hmasawnna tura scheme dang dang te nena tangkawp a hmalak tur a nih thu sawiho a ni.

Block Level leh Village Level Committee din tur niin hemi hnuah hian hmalak dan tur ruanhmanna fel fai zawk siam a ni ang.