Nimin 22.4.2010 (Ningani) tlai khan Japan International Co-operation Agency (JICA) mithiam ten AH & Vety department an tlawh a. Director leh Senior Officer ten anlo dawngsawng. Ranvulh lama Mizoram hmasawnna tur kawng hrang hrang an sawi hova.
Dr. L.B. Sailo, Director, AH & Vety chuan Mizoram ran vulhtute hlawhtlinna tura pawimawh ber chu ranchaw man tlawm zawka ngaihtuah sak (feed subsidy) leh an ranvulhte tan tui mamawh tawk an neih theih nan ruah tui tla khawlna (rain water harvesting tank) siam sak anih thu a sawi.

JICA mithiamte chuan sawi hona atanga an thil hmuh leh hriatte hotu sang zawk hnenah thlenin hmasawnna kawnga thawhho dan tur an ngaihtuah dawn tih a sawi.