Chief Minister Pu Lal Thanhawla chuan vawiin khan Assam Rifles Lammualah Mizoram XI team leh Lajong Football Club, Shillong ten Exhibition Match, Mizoram Football Association ina a buatsaih chu a hawng.
 
 
Chief Minister chuan he exhibition match hian Mizo footballa lama tuimi te ti phurtu leh tan lak thar tirtu nise a duhthu a sawi a. Lajong Football Club in Mizo thalai infiammite an cluba an la chu lawmawm a tih rualin, khawvela thil thar tam tak rawn chhuak zel mila inenkawl chho zel turin a chah a. Khawi hmunah pawh inkhel se, infiammite thinlung dik tak pu chung zela khel thin turin a chah bawk a ni.

Lajong Club hi India Hmarchhak atanga National level, I-League khel pha awmchhun a ni a.  An cluba inkhelmi Mizo 7 ngawt an awm a ni.

Hun kar lakah, football hrim hrima tuimi, Kolkata atanga MFA ten an chah chhuah  Uttam Das in football hmangin ennawm chi hrang hrang a entir a, a lu chhipah football chhipchhuan chungin motorcycle a a khalh kual pui bawk a ni.

Inkhel hawnna hun hi MFA President Wing Cdr J.Lalhmingliana’n a kaihruai a ni.
 
 
 
 
 
 

Attachment

  • Loading attachment...