Department of Minor Irrigation hmalakna in “Kuthna thawktute harsatna leh chawikan dan tur “ chungchangah Mizoram Sorkarin Japan puihna a dil angin Japan Sorkar chuan phalna a pe a. Hemi chungchanga hma lak dan tur thlir turin JICA Official pahnih Mr. Mitsunori Saito leh Yushu Nagano ten ni 5.2.2009 ah Mizoram an rawn thleng a, Japanese Official te hian Mizoram a lonei mite harsatna leh puihdan tur chungchangah Vawiin khan Pu H. Liansailova, Hon’ble Minister ( Agriculture, Minor Irrigation etc) an hmu a, Department hrang hrang aiawh (Agriculture, Horticulture, Minor Irrigation, Soil & Water Conservation, A.H. & Vety, Sericulture, Fisheries, Environment & Forest Deptts.) te nen meeting ah nei nghal. Minister hian department mikhual te hi Mizoram tana an thiamna te leh Japan technology te an rawn hman theih dawn avangin lawmthu a hrilh a, JICA hmalakna avang hian miretheite tan eizawnna tha leh chhungkaw in nghahna tlak Mizoram in a neih theih ngei a beisei tlat thu a sawi bawk.
Minor Irrigation Minister Pu H. Liansailova chuan JICA (Japanish Internal Co-operation Agency ) hmalakna tur hi Mizoram sorkar policy leh kut hnathawktu te chawikan nana pawimawh leh kan mamawh a nih thu hrilhin a tul dan ang zela Mizoram Sorkarin a thawhpui tur thu hrilh in hmalak zel dan tur sawiho nghal a ni.
Pu T. Sangkunga Additional Secretary hovin JICA te leh department hrang hrangte nena an thawhho dan tur dt. 5/2/2009 chawhma lam khan sawihona an nei tawh bawk a ni.
April, 2009 ah mithiam rualte rawn tirin hmalak nghal an tum thu hi JICA Official te hian Minister an hrilh nghal a ni.
Pu T. Sangkunga Additional Secretary hovin JICA te leh department hrang hrangte nena an thawhho dan tur dt. 5/2/2009 chawhma lam khan sawihona an nei tawh bawk a ni.
April, 2009 ah mithiam rualte rawn tirin hmalak nghal an tum thu hi JICA Official te hian Minister an hrilh nghal a ni.
