Vawiin khan NSS Day 2009 lawmna inkhawm chu Vanapa Hall ah hman a ni a, he hun hi Pu Zodintluanga, Sports & Youth Services Minister in a hmanpui.

 

 

Pu Zodintluanga chuan tih tur hre loa kan thalaite awm mai mai vengtu atana NSS lo awm hi lawmawm a tih thu sawiin NSS hmang hian zirlai tam tak nunah spirit of adventure tih thawhin a awm a ni a ti. NSS hnathawh hrang hrang sawiin Minister chuan NSS volunteers ten mamawhte tana thisen an pek thin te, hmun hrang hrang a NSS kut hnu - zun-in, chawlh hahdamna tur in te, tuikhur siam bakah thildang tam tak an thawh thin hi mipui tan a lawmawm a ni a ti a, NSS hmingthatna hi NSS a thawktute leh volunteers inpekna vang a ni Minister hian a ti bawk.
    
Kumina NSS thupui ‘Clean for Health and Wealth’  hi vawiina lo kal zawng zawng te hian hemi kawnga tan la thara theihtawp chhuah theuh turin Minister chuan a chah bawk.
    
Lawmna inkhawmna hi Pu Darchuailova Renthlei, SLO & Dy. Secretary, SYS (NSS Cell) in a kaihruai a. NSS hi September 1969 khan din a ni a, Mizoram bik chhungah hian zirna in 68 ah unit din a niin volunteers 23,100 an awm mek a ni.