Sorkar laipui chuan midangte nunna chhantu mi huaisen te hnenah huaisen lawmman hrang hrang Jeevan Raksha Padak (Series) Award te a semchhuak leh dawn a. Heng lawmman te hi tuitla, accident, kangmei, electric chhiatna, leimin, ramsa in mihring a beihna leh chhiatna hrang hrang lo thleng laka mi dangte nunna chhanchhuak tute hnenah hlan thin a ni. An chhanchhuahna dinhmun a zirin lawmman hi chi thum a awm.
- Sarvottam Jeevan Raksha Padak:- Hmun hlauhawm tak, a chhanchhuaktu tan pawha nunna thap a tulna hmun atanga midang chhanchhuaktute.
- Uttam Jeevan Raksha Padak:- Hmanhmawh thlak tak leh mahni nunna dinhmun pawh hlauhthawn awm chunga midang chhanchhuaktute.
- Jeevan Raksha Padak:- Inhliam leh intihpalh hlauhthawn awm tak chunga midangte chhanchhuaktute hnenah.
Dt 1.10.2015 hma lama thil thleng (nunna chhanchhuahna) chu dil theih a ni dawn lova, he ni hnu lama inchhanchhuahnaah chauh lawmman hi pek a ni ang.
Hrechiang duh chuan mahni awmna DC Office, SDO Sadaar, I&PR Office leh BDO Office ah te zawhchian theih a ni a. Dilna Form awmsa hmanga thehluh tur a ni.
Dil duh emaw rawt tur neite chuan a rang lama ngaihven tur a ni ang.
