Vawiin chawhnu khan Health and Family Welfare Secretary Pu Lalrinliana Fanai IAS, kaihhruaiin a pisaah "State Level Task Force Committee for Immunization" an thukhawm.

Meeting kaihruaitu Pu Lalrinliana Fanai chuan member lo kalte lawmna thu leh an hmachhawp hrang hrangte tihlawhtling tura thawh ho a tul thu a sawi a.

NPSP-WHO, Aizawl Unit, Surveillance Medical Officer, Dr. Lalhlimpuii chuan Mission Indradhanush hnuaia an hmalakna Technical Report a pe a. Mission Indradhanush in a tum ber chu full immunization anih thu leh phase IV round 3 chu Lunglei, Mamit leh Lawngtlai district ah te zawhfel anih tawh thu a sawi a. Tun dinhmunah he Mission kalpuina a harsatna lian ber chu micro planning (chipchiar taka plan duan lawk) duhthusam anga awm loh vang anih thu sawiin district tina mawhphurtute tun aia felfai zawka micro plan siam tura an inzirtir thu a sawi a ni.

Meeting-ah hian State Immunization Officer, Dr.Lalzawmi chuan Mission Indradhanush phase 4 round 4 chu May thlaah tan anih tur thu leh hetah hian vaccination session 105 neih tum anih thu a sawi a. Vaccine chu a pekchhuahna tur hmun khaw kilkhawr tak tak te chhe lova thleng tur chuan dah vawt chunga ken (cold chain) angaih thu leh hemi avanga harsatna an tawh thin thu a sawi a. Vaccine te tha taka a semna tur hmun an thlen theih nan solar fridge hman anih tak thu sawiin an harsatna tawh te leh sukiang tura an hmalakna hrang hrangte sawiho a ni.

Meeting-ah hian Health and Family Welfare Department, NHM Mizoram hotute leh WHO, UNICEF leh Social Welfare Department aiawhte an tel a ni.