Sawrkar laipui chuan midangte nunna chhantu mi huaisen te hnena lawmman hrang hrang Jeevan Raksha Padak (Series) Award te a semchhuak leh dawn a. Heng lawmman te hi, tuitla, accident, kangmei, electric chhiatna, leimin, ramsa in mihring a beihna leh chhiatna hrang hrang lo thleng laka midangte nunna chhanchhuak tute hnenah hlan thin a ni. An chhanchhuahna dinhmun a zirin lawmman hi chi thum a awm.

Sarvottam Jeevan Raksha Padak:- Hmun hlauhawm tak, a chhanchhuaktu tan pawha nunna thap tulna hmun atanga midangte chhuanchhuaktute.

Uttam Jeevan Raksha Padak:- Hmanhmawh thlak leh mahni nunna dinhmun pawh hlauhthawn chuang midangte chhanchhuaktute.

Jeevan Raksha Padak:- Inhliam leh intihpalh hlauthawn awm tak chunga midangte chhanchuaktute hnenah.

Dt.1.10.2016 hma lama thleng (nunna chhanchhuahna) chu dil theih a ni dawn lova, he ni hnu lama in chhanchhuak chauh lawmman hi pek a ni ang.

Hrechiang duh chuan mahni awmna DC Office, SDO Sadar, I&PR Office leh BDO office ah te zawhchian theih a ni a. Dilna form awmsa hmanga thehluh tur a ni.

Dil duh emaw rawt duh neite chuan a rang lama nagihven tur a ni. Dilna hi Dt.31.8.2018, aia tlai lo ah thehluh tur ani.