2081/2026-2027
Dated Champhai, the 5th September 2026: India sawrkarin midang nun humhimna atana mahni nunna chân hlauhawm tak kara huaisenna lantirtute hnena chawimawina sang a hlan thin, Jeevan Raksha Padak Award chi thum; Sarvottam Jeevan Raksha Padak, Uttam Jeevan Raksha Padak leh Jeevan Raksha Padak chu kum 2026 atan hlan a ni leh dawn a.
He Award hi India Sawrkarin midang nun humhimna atana huaisen taka thiltite lawmman a pekna a ni a. Tui tla, kang mei, accident, Electric - man, ramsa hlauhawm leh khuarel chhiatna lak atanga midangte chhhanchhuak tura huaisen taka thawk chhuakte hnenah pek thin a ni.
Champhai District chhungah Jeevan Raksha Padak Award dawng tlâk leh dawng âwm kan hriat chuan, September ni 20 (Sunday) ral hmain Deputy Commissioner Office, Champhai ah rawtna (recommendation) thehluh leh ngaihven theih a ni a. Rawtna kan thlen tur te hi October ni 1, 2024 leh a hnu lama thleng a ni tur a ni
