502/2025-2026
Siaha the 8th May 2025: Sawrkar Laipui chuan midangte nunna chhantu mi huaisen lawmman hrang hrang Jeevan Raksha Padak (Series) Award te a semchhuak leh dawn a. Heng lawmmante hi accident hrang hrang, kangmei, electric chhiatna, Leimin, ramsain mihring a beihna leh chhiatna hrang hrang lo thleng laka midangte nunna chhanchhuaktute hnenah hlan thin a ni.
He Jeevan Raksha Padak Series lawmmante hi an chhanchhuahna dinhmun azirin chi thum a awm:
i) Sarvottam Jeevan Raksha Padak: Hmun hlauhawm tak, a chhanchhuaktu tan pawha nunna thap a tulna hmun atanga midang chhanchhuaktute.
ii) Uttam Jeevan Raksha Padak: Hmun hlauhawm taka huaisen tak leh mahni nunna dinhmun pawh hlauthawnawm chunga midang chhanchhuaktute.
iii) Jeevan Raksha Padak: Inhliam leh intihpalh hlauthawnawm tak chunga midang chhanchhuaktute hnenah.
Heng award-te hi midang nunna chhanhim tawh phawt tan a dawn theih a, Armed Forces, Police Forces leh Recognized Fire Service a thawkte pawh a huam tel vek a ni.
Ministry of Home Affairs-in a buatsaih thin 'Prime Minister's Police Medal for Life Saving' hi 'Jeevan Raksha Padak' hnuaiah a tel tawh avangin CAPF/CPO member leh Police Force a thawkte, mahni nunna thapa midang nunna chhanhimte tan he award hi dawn theih a ni bawk. Midang nunna chhanhim kawnga nunna chanta te pawh rawt theih an ni.
Lawmman dawng tura rawt (nominate) duh nei te chuan July Ni 25, 2025 hmain Pu Vanlalchhuanliana, Sub-Divisional Officer (Sadar), Siaha District Siaha hnenah thehluh tur a ni.
