Vawiin hian Lawngtlai DC Conference Hall ah Joint Electricity Regulatory Commission (Manipui & Mizoram) buatsaihin Electric chungchang a mipuite tana hriat tur inhrilhhriatna hun (Consumer Awareness) neih a ni a, JERC leh P&E Department a mithiam ten thu sawina hun an hmang.

Pu A. Chhawnmawia, IDES (Rtd), JERC (M&M) chuan he hun hi kaihruaiin commission kalphung leh din chhan te sawifiahna a nei hmasa a. Consumer ten power supply tha leh man tlawm an neih theih na tur leh Power & Electricity Department ten mumal taka hna an thawh theih nana hmalak chu JERC (M&M) din chhan a nih thu a sawi a, commission naupang tak la ni mahse hna an thawk nasa ve tawh hle a a hriat thua tarlang.

Lawngtlai district Addl. DC Pu R. Lalsangluaia pawhin thu sawiin kalkhawm te chu Electric bill tha taka pek nachang hre tur te, ren taka power hman nachang hre tur tein a fuih a, kan ramin power kan mamawh khawp kan la siamchhuah loh avangin ren taka kan hman hian daihzaih takin kan insem thei a ni a ti. Power kan ngah lo chung pawh a rualkhai tak leh darhzau taka P&E ten an sem thei chu fakawm hle a a hriat thu a tarlang bawk.

He hunah hian Er. Lalchharliana Pachuau, Chief (Engineer) JERC (M&M) chuan Power kan hmuh dan leh consumer vuivaina nei te tana hriattur sawina a nei a, mithiam dang ten Lawngtlai leh Saiha District in power kan hmuh dan chungchang leh a semdarh dan chungchang sawina a nei bawk. Hemi hnu hian mipui lam atangin zawh duh leh hriat duh an neih te inhrilhriatna hun neih zui a ni.

He hunah hian Lawngtlai khawchhunga tlawmngaipawl hrang hrang, LADC hruaitute leh Head of Department zawng zawng sawm an ni.