Vawiin hian Lawngtlai MJA Conference Hall ah Lawngtlai District chhunga Rashtriya Krishi Vikas Yojana (RKVY) hnuaia kum 2011 – 2012 chhunga Sangha dil tanpuina dawngtute tan “Tunlai thiamna hmanga Sangha khawi dan” Training neih a ni.
He hunah hian Pu V. Zirsanga, CEM, LADC chu khuallian a ni a, khuallian hian Lawngtlai District chhunga a tam thei ang ber Sangha kan tharchhuah a pawimawh thu sawiin RKVY hnuaia Sangha dil tanpuina dawngtute chu taima taka thawk tur leh an tanpuina dawn te a nihna ang taka hmang turin a fuih a ni.
Rashtriya Krishi Vikas Yojana (RKVY) hnuaiah hian kum 2011 – 2012 chhung khan mi 150 vel in Lawngtlai District ah tanpuina an dawng a, vawiin thleng a he tanpuina dawngtute hi mi 300 vel an tling tawh a ni. Vawiin hian kum 2011 – 2012 chhunga tanpuina dawngtute tan bik training hi buatsaih a ni a, Sangha chi tha hriat dan tih te, Common Carp Sangha inthlahpun tir dan tih te, Sangha dil laih dan te Sangha natna leh a ven dan te leh Sangha khawipawlh dan tih thupui te hmangin Lawngtlai District Fisheries Department a mithiam ten zirtirna an pe ani.
He Training hi Lawngtlai DFDO Pu Lalhmangaiha’n a kaihruaia Lawngtlai leh a chhehvel atangin tanpuina dawngtu mi 96 an tel a ni.
