UN Joint Intiative Project Mizoram tana hma lak tan nan UN Agency rual ten December ni 6 thleng Mizoram chamchilh turin nimin khan Aizawl an rawn thleng a. An cham chhunga UN Agency hrang hrangte hmalakna tur duan lawk thlir hovin vawiin khan NLUP Implementing Board(NIB)Vice Chairman & State Planning Board Member Secretary ni bawk Pu P.L.Thanga hovin NIB conference hall-ah meeting an nei nghal a. He Project atana Task Team din dan tur chungchang leh insawr bingna tura Aizawl hnaih thingtlang khaw thenkhat tlawh chhuah tur te ngaihtuah ho a ni.

UN Team te hian vawiin chuan Mizoram University tlawhin Economics Department hotute leh Department pawimawh dangte nen Mizoram ei leh bar dinhmun leh ram chhung hausakna haichhuah tur neih zirchianna lo kalpui tawh te atangin hmalak zuina tur te an sawi ho a. Naktuk ah hian sorkar department pawimawh te leh JICA te meeting an neihpui bawk ang a. An cham chhungin UN Joint Initiative Project atana hmalakna tur hrang hrang ah te Mizoram dinhmun belchiang turin Champhai leh thingtlang khaw thenkhatah te an feh chhuak dawn a ni.

Tun tuma UN Team lo kalte hi FAO atangin Dr.Kevin De Wayne Gallagher, P.V.Sunil, Dr. A.B.Negi leh Antonio Paliwal; UNDP atangin Anushree Bhattacharjee leh Lianchawii, UNIDO atangin Manjula Bhuyan leh Sandeep Tandon te an ni a. November 30 hian ILO team atangin Anjana Chellani leh G.L.Narasimhan te an lo thleng ve leh dawn a ni.