No.4166/2021-2022
Aizawl, the 3rd March 2022 : Vawiin chawhma dar 11:30 atanga tlai dar 3:00 thleng Joint Electricity Regulatory Commission for Manipur & Mizoram chuan Public Hearing a nei a. He public hearing hi Pu R.Thanga, Chairperson, JERC (M&M) in a kaihruai a ni.
P&E Department Financial Year 2022-2023-a Electric Bill tihsan a tumna mipuite ngaihdan Commission-in ngaihthlakna hun a hmang a. A hmain Commission-in Public Notice a lo pechhuak tawhin, mi 10 atangin sawiselna dawn a ni a, heng sawiselnate hi vawinah Aijal Club Conference Hall-ah ngaihthlak a ni zui a; a hmunah ngei E-in-C, P&E Department chuan an sawiselna hrang hrangte chu a chhang nghal bawk. P&E Department in Electric Bill tihsan a tum dan hi Commission-in ngun takin mipuite ngaihdan la chungin a la tichhuak dawn a ni. He electric hman man thar tur hi ni 1.4.2022 atanga hman tan tur a ni ang.
Vawiina Public Hearing neihah hian political party leh pawl hrang hrang aiawhte pawh an kal kim hle a ni.
