No.4167/2021-2022
Aizawl 3rd March, 2022 : Vawiin khan Mizoram Journalists' Association, Mamit District leh District Information & Public Relations Officer, Mamit te chuan PHED Mamit hnuaia hmalakna NABARD, Rural Infrastructure Fund, RIDF Project hnuaia kalpui mek chu a hmun Phaizau-ah kalin an tlawh.

Pu V. Laldanmawia, SDO Mamit-in Site Visit a thawkchhuakte hi lo dawngsawngin an hnathawh dan hrang hrangte a sawifiah a. Tun Project Part - I hian Mamit a la thlen theih loh thu sawiin kan nghakhlel tawh viau chungin Mamit khaw chhung thleng tur chuan Part - II nghah a ngaih thu a sawi a. Mamit chawmtu tui lakna hnar (catchment area) chhehvela ramngaw te chu tuihna a chhiat loh nana vat chereu a, hal lo turin mipuite a ngen nghal bawk.

Vawiina tlawh Project hming hi Augmentation of Greater Mamit, W/S/S Part - I (Raw Water) niin project cost hi cheng Nuai 670 a ni a. Ni 13.12.2019 a hmalak tan niin Ni 31.3.2022 a peihfel hman tura ruahman a ni.

MJA member 5 leh DIPRO hi a hmunah hian contractor awm te'n an lo dawngsawng bawk.