No.4157/2021-2022
Aizawl, 2nd March 2022 : Vawiin khan 24th State Advisory committee chu Aijal Club-ah Pu R.Thanga, Chairperson, Joint Electricity Regulatory Commission for Manipur and Mizoram kaihhruaina hnuaiah an thukhawm a. SAC members te bakah P&E Engineer-in-Chief leh officers rual ten meeting hi an telpui a ni.

Meeting ah hian Committee hmasa thurel leh tih tur an lo dah te ennawn a ni a. Electric Department in chak zawka mipuite tan hna a thawh theih dan tur te sawiho a ni a, thingtlanga streetlight changtlung zawk dah dan tur te ngaihtuah tel a ni. Kum 2022 atanga 2023 hun chhunga electric eng chhit man tur rawtna chi hrang hrangte sawiho a ni a, P&E Department in powerpoint presentation hmangin tariff rawt dan an sawifiah a. Naktuk March ni 3, chhun dar 11:30 a.m - 2:00 p.m inkar hian Aijal Club Conference Hall-ah Public Hearing neih a ni dawn a. Hetah hian electric tariff chungchanga Petition te ngaihthlak a ni ang.