Vawiin khan Hnahlan Tourist Lodge Conference Hall ah Department pali I&WRD, Agriculture, Horticulture, Land Resources, Soil & Water Conservation Department Officials te leh Hnahlan VC, YMA, Lo neitute aiawh engemawzat te chu JICA Expert team te nen inkawmhona an nei.

He inkawmhona ah hian Technical Cooperation Project (TCP) chungchang inhrilhhriatna/inhrilhfiahna te neih a nih bakah site visit neih ani bawk a. Hemi ni vek hian Block Agriculture & Irrigation Development Committee (BAIDC) meeting hmasa ber chu Department pali te hian Irrigation &Water Resources Department Conference Hall ah dar 3:00 PM khan neih chhunzawm bawk ani.      

Technical Cooperation Project (TCP) project hi Mizoramin ei leh bar a kan intodelh theih nana JICA in Master plan alo siam tawh tihhlawhtlinna atana hmalakna a ni a.  Dt 26^th October 2016 khan inremna, Record of Discussions pawh Mizoram sorkar aiawhin Pu Lalmalsawma, Chief Secretary leh JICA team aiawhin Mr Takema Sakamoto ten an lo sign tawh a. Dt.17.7.2017 khan Irrigation & Water Resources Department , Chief Engineer Committee Room ah Mizoram leh Japan International Cooperation Agency(JICA) te thawhhona tur Technical Cooperation Project ‘The Project on Capacity Enhancement for Sustainable Agriculture & Irrigation Development in Mizoram’ chu JICA Team leh line Department 4 te hian  kick off meeting an nei a ni. 

He project hi kum nga (July 2017 to June 2022) chhung awh tur a niin Hemi project in a tum ber chu Mizorama sorkar hnathawkte hnena thiamna hlanchhawn ani a, chumi atan chuan Mizorama RD block pali – Bilkhawthlir (Kolasib District), Aibawk (Aizawl District), Serchhip (Serchhip District) leh Champhai (Champhai District) te thlan a ni.

Heng RD Block pali ah te hian Block Agriculture & Irrigation Development Committee (BAIDC) din theuh tur ani a. Department pali - I&WRD, Dept. of Agriculture, Department of Horticulture, Land Resources, Soil & Water Conservation Department atangin member turte hi ruat anni tawh a ni.