Vawiin khan Chief Secretary pisa-ah JICA Technical Cooperation Project (TCP) hnuaia Joint Coordination Committee (JCC) an thukhawm a. Chief Secretary aiawhin Finance Department Principal Secretary Pu Lalnunmawia Chuaungo, IAS chuan a kaihruai a ni.

Meeting-ah hian Mizorama Technical Cooperation Project (TCP) kalpui dan sawiho niin project thil tum leh hmalakna hrang hrang thlir ho a ni. Technical Cooperation Project (TCP) hi Mizoramah ei leh bara kan intodelh theih nana Japan International Cooperation Agency (JICA) in ruahmanna a lo siam tawh tihhlawhtlinna a ni a. Mizorama innghahna tlak agriculture ngelnghet a awm theih nana hmalak hi project tum ber a ni. Project hian kum nga chhung a awh ang a. RD block pali-Bilkhawthlir,Aibawk,Serchhip leh Champhai-ah kalpui mek a ni. October Ni 26, 2016 khan Mizoram sawrkar leh JICA ten inremna lo ziak tawhin August Ni 7,2017 khan JCC meeting vawikhatna neih a lo ni tawh a ni.

Meeting-ah hian Nodal Department-Irrigation & Water Resources Department (I&WRD) leh line department hotute, JICA expert team leh New Delhi atangin JICA hotu pathum an tel a ni.