Mizoram sorkar leh Japan International Cooperation Agency (JICA) ten Mizoram kuthnathawktute tana hlawk zawk leh rintlak zawka buh leh thlaite an tharchhuah theih nan a thawh hona an lo ziah tawh kalpui zelin JICA Project Team te chuan ni 9.9.2017 khan Tachhip khua an tlawh.

Tachhip khuaah hian khawtlang hruaitu hrang hrangte nen kalphung tur sawihona an nei a, Lo leh huante tlawh nghalin, lo neitute thlai chin dan leh an enkawl dan te an en nghal.

Lo leh huan neituten harsatna an neih chi hrang hrangte ngaithla-in hmalak dan turte an sawi ho pui a ni.

JICA Project team member-te hi Pu Takyya Saisho, Consultant-cum-Director te nupa in hovin, Pu Katsuyuki Yamamoto, Consultant, Agriculture and Rural Development, Pu Takashi Kurauchi, Consultant, Agriculture Engineer, Environment & Water Resources, Pu Hironori Inoue, Co-ordinator, Agriculture & Rural Development leh Dr. James L.T. Thanga, Consultant, Economist, Pipeline & Baseline Study te an tel a ni.