Minor Irrigation Department bul tuma Mizoram a Japan International Cooperation Agency (JICA) hmalakna tur , ‘Study on Development and management of Land and Water Resources for Sustainable Agriculture in Mizoram ’ chu thawh tan a ni dawn ta. Hemi atan a Study team batch hmasa ber mithiam pali chu Japan atangin Mizoram an lo thleng a, midang pawhin an la rawn zawm zel ang. Vawiin khan Er,Lalthanliana, Chief Engineer, Minor Irrigation Department hoin department officer-te nen meeting an nei a, naktuk dt 01.10.2013 hian Line Department hrang hrang, Agriculture Deptt, Horticulture Deptt, Soil Deptt etc. te nen he Development Study chungchang hi sawihona neih a ni ang.

Kar leh ni 7.10.2013 (thawhtanni) hian Chief Secretary hovin Joint Co-ordination Committee (JICA) thut hona hmasa ber tur neih a ni ang a, he meeting hmang tur hian JICA official pathum an rawn thlen belh leh dawn a, ‘Inception Report’ an pe dawn a, hma lak chhunzawm dan tur rel nghal a ni ang.