Kolasib-a Irrigation & Water Resources Department, Agriculture Department leh Horticulture Department te chuan vawiin khan Irrigation & Water Resources Department, Kolasib Division Conference Hall-ah hmalak dan tur an sawiho.
He inhmuhkhawmna in a tum ber chu ei leh bara Mizoram a intodelh theihna tura JICA in Master Plan alo siam tawh tihhlawhtlinnana hmalak chhunzawm zelna tur sawiho a ni a. JICA Pilot Project atan Mizoram chhunga R.D Block 4 (pali) an thlang a, chung zingah chuan Kolasib Districtah Bilkhawthlir RD block chu thlan a ni.
Bilkhawthlir RD Block a Pilot Project atan hian Agriculture and Irrigation Plan leh manual te duan tum a ni a. Hemi atan hian JICA team te hian Bilkhawthlir RD block a an hnathawhna tur hmun leh hma te vawiin khan enkual nghalin, loneitute an kawmna an nei bawk a. JICA team te hi Shigeki Yamaoka hovin member panga an lokal a ni.
