Vawiin khan Mamit-ah Disaster Management & Rehabilitation (DM&R) Department leh Mamit District Disaster Management Authority (DDMA) tangkawpin an buatsaih Sensitization Programme On Risk Reduction for Disaster Management Stakeholders, Ni 1 atanga Ni 4 chhung Week neih tur chu khawpui chhung hmun hrang hrangah chhiaprupna laka inven dan leh harsatna lo thlen thulha chetlak dan zirhona neih chhunzawm leh a ni.

Zirhona hi Group 4 ah inthenin Sawrkar Department hotute tan DC Conference Hall-ah neih a ni a. Chhiatrupna thlen thulha an chetlak dan tur zirtir an ni a. Tlawmngai pawl hrang hrangte tan LAD Conference Hall-ah neih niin mipui vantlang hmunah chhiatrupna lo thlen thulha hmalak dan leh chetlak dan tur hrilh hriat an ni a. Mistiri Association te tan DC Office Complex ah neih niin an In sakna hmun tur te, In sakna hmanrua thlan dan chungchangte leh an In sak himna tur kawng hrang hrang zirtir an ni a. Govt School zirtirtute leh Private School zirtirtute tan DRDA Conference Hall-ah neih niin chhiatrupna thlen thulha an zirlai naupangte'n harsatna an tawh lohna tur hrang hrangte hrilhhriat an ni bawk. Zirtirna hi DM&R Department a mithiamte'n an pe a ni.