Vawiin khan SIRD&PR buatsaihin ni hnih awh tur (2nd-3rd August, 2017) ‘Training Programme for ICT Applications in Rural Development’ chu SIRD&PR Auditorium, Durtlang Leitanah neih a ni a. He training hi Block Development Officers leh DRDA Assistant Programme Officers tana buatsaih a ni a, BDO leh APO 11 an rawn tel thei a ni.

Training hi Course Director/Core Faculty (IT) Pu Lalchhandama Lailung-in a kaihruai a. Training hawngtu R.D Department Director Pu Lalhriatpuia, MCS chuan BDO leh APO te chuan mahni office-a hna pawimawh tak tak kalsan hrih a he training an rawn ngai pawimawh chu lawmthu hrilhin, he training atang hian an hriat tur leh an hmasawnpui tur an zirchhuahte hmang tangkai nghal theuh turin a chah hlawm a ni.

He training-ah hian Information and Communication Technology leh e-Governance chungchang an zirho a. Khawvel hmasawnna in a ken tel - ICT, e-Governance leh Internet kaihhnawih thil thingtlang lama hman tangkai dan tur an zirho a ni.