Humsual dai palh leh kum tlinglo naupangte pawi an khawiha an enkawlna venhimna leh chhawmdawlna dan thar The Juvenile Justice (Care and Protection of Children) Act, 2015 chu January ni 15, 2016 atangin hman tan a ni a. Hemi rual hian dan hlui, Juvenile Justice (Care and Protection of Children) Act 2010 chu hnuhdawh a ni. He dan thar hnuaia Bung 2 chang 12-in naupang a hrilhfiah dan chu kum 18 la pum hlum lote an ni a.

He Dan thar Bung 77 hnuaiah hian naupang reng reng zu emaw, ruihtheih thil emaw, vaihlo leh a kaihhnawih reng reng emaw, petu leh khawih tir tu chu kum sarih thleng lung in tan tir theih niin cheng nuai khat thleng chawi tir theih a ni a. Naupang kum tling lo te vaihlo leh a kaihhnawih laka an fihlim nan leh he thil thalo hi an puitlin hnua a chin loh nan Bung 77 hi siamthat niin vaihlo leh a kaihhnawih te huam tel tir a ni.