JNNURM hnuaiah hian Aizawl khawpui kawngpui pawimawh tak tak 3 (pathum) Central Sorkar project kalpui mek a ni a, chungte chu:

(i) Improvement & Widening of City Road Phase -1 (Rs. 3873.40 lakh)

(ii) Widening and Improvement of Vaivakawn to Mizoram University (Rs. 1907.64 lakh)

(iii) Sihhmui to Mizoram University as spur of Aizawl City Road (Rs. 5309.32 lakh)

1. He JNNURM project atan UD &PA Department chu Nodal Department a ni a, PWD chu Project Implementing Agency a ni. Heng project te hi Installment 4 (pali) a release tur a niin Central Sawrkar chuan 1st Installment (25%) chu a released tawh a. Installment dang release chhunzawmna atan hian Independent Review & Monitoring Agency (IRMA)in a project thawh dan an en a, report an siam zel a ngai a. IRMA Report tel lo chuan Central-a Committee sang Central Sanctioning & Monitoring Committee (CSMC) chuan Installment dang a pechhuak theilo a ni.

2. IRMA atana Central Sawrkarin Mizoram tana a ruat chu M/s Tetra Tech Pvt. Ltd., New Delhi te an ni a. April, 2013 atanga project tlawh tura tih an ni a, rawn che thuai turin vawi tarn tak hriattir an ni chungin an ti khawtlai a. June, 2013 thla tawp lamah project visit hi an rawn nei thei chauh a, an report hi hun reitak an chai hnuin September, 2013 khan an thehlut thei ta chauh a. Hei hian project sum pek chhuah leh tur pawh nasa takin a ti khawtlai ta a. Mizoram sawrkar pawhin hemi chungchanga an lungawih lohna chu Urban Development Ministry-ah thlen niin an ni hi min thlaksak a, tunah hian MSV International Inc. chu IRMA atan ruat thar an ni a, agreement pawh sign tawh a ni.

3. Heng project atana installment release leh thuai a nih theih nan nasa takin nawr a ni a, Principal Secretary phei chuan a hmunah vawi tam tak a nawr bakah, telephone leh email nen a umzui reng a ni. Amaherawhchu, thil peih fel a nih hnuah Mizoram Inthlan avangin Central lama Committee sang ber Central Sanctioning Monitoring Committee (CSMC) chuan 2nd Installment kan hmuh theihna meeting hi a ko mai thei lova. Tichuan, inthlan a lo zawh tak hnuah hma la nghalin 17th December, 2013-a CSMC thu tur chuan heng Installment an dilna te hi a ngaihtuah turin Agenda atan a chhawpchhuak fel tawh ani.

4. Heng project te hi chak taka thawh a, a hma thei ang bera zawh a nih theih nan sorkar chuan Principal Secretary, UD & PA Deptt. kaihhruaina hnuaiah High Level Supervision & Monitoring Committee a din a. He Committee ah hian UD & PA Deptt., PWD, PHE, P & E, Traffic Police leh AMC te an tel a ni. Heng project hnathawh kal tluang lo avanga mipuiten harsatna an tawh hrang hrangte sawrkar chuan a hre reng a, pawi a ti takzet a ni. Mipuite hriatthiamna a ngenin heng hnate hi chak taka thawh a nih theih nan leh hun reilotea zawhfel a nih theih nan sorkar chuan theihtawp a chhuah reng a ni. Tin, heng project kalpui mekah hian Local Council te, YMA te leh MUP te atanga nasa taka thlawpna leh tanpuina te hi sawrkarin lawmawm a ti takmeuh a ni. Tun hnuah chuan heng hnate hi tluang leh chak taka kalpui tawh a nih beisei a ni.