Vawiin khan JNV Thingdawl, Vidhyalaya Management Committee Pu H. Lalengmawia IAS, Kolasib Deputy Commissioner kaihruaina in neih a ni a. JNV School Thingdawl a mi chu a hmun ah tlawh nghal in hmalakna te an en ho nghal a ni.

Kolasib DC chuan JNV thingdawl hi 2006 a din tan niin, Pawl VI atanga Pawl XII zirna a awm a, naupang 560 an awm theih laiin tunah hian zirlai 190 vel chiah an awm thu a sawi a. Boarding sak lai hi contractor ten an thawh chak tawk loh avangin zirlai admit tam theih an ni lo a, hemi chungchang ah hian Pu H. Lalengmawia chuan chak zawka hmala turin contractor te a chah nghal.

Khawtual mi zirlai leh a thawktute pawh tam zawk an awm theih na tur kawng meeting ah hian sawiho a ni a. JNV - ah hian zirlai naupang te tan vawiin vek khan CMO (Chief Medical Officer) hmalaknain Health Check Up neih a ni bawk.

Zirtirtu JNV a thawk tur hian Graduate/Post Graduate nih bakah B. ED neih a ngai a, CTET Central Teacher Eligibility Test paltlang a ngai bawk, CTET Exam hi kum khat ah vawi 2 a awm a, Aizawl ah pawh centre a awm a ni. Tunah hian JNV Thingdawl ah hian : Regular zirtirtu = 11 Contract zirtirtu = 6 Total (Regular+ Contract) = 17 a ni a. An vaiin non-mizo vek an ni. Non - Teaching staff = 12 an awm bawk a ni.

Building sak lai hi Gypsum Industrial Corporation, Kolkata a awm ten contract in an thawk a, 2013 ah khan thawk tanin tunah hian building saklai hi 45% vel an zo a, an chawl rih a ni.