Vawiin khan BNRGSK Hall, Lungdaiah Pu Hmingdailova Khiangte, Parliamentary Secretary PHE, UD & PA chuan NLUP Assisatance 3rd & 4th Phase under Tuirial Cluster hawn chu a hmanpui.

Sorkar hmalakna kal mek NLUP chu trade hrang hrangah chhawrtu leh hlawhtlinpuitu hmuh theih in an awm tawh a, line department hrang hrang heng Agriculture, AH & Vety leh a dangte atangin chhungkaw tam tak in eizawnna bul an tan chho mek chu lawmawm a tih thu sawiin khuallian bialtu MLA Pu Hmingdailova chuan mi harsa zawk leh ke chheh rual rem lo te khaichhuahna tur atana ruahman anih ang ngei in NLUP dawngtu te chu tumruhna leh rinawmna nen hlawhtling ngei tura thawk turin a chah.

Ram a lo changkan chhoh zel rualin sualna pawh a pung chho ve zel tiin Pu Hmingdailova chuan kan ram runtu AIDs leh damdawi hmansual theih chi leh ruihtheih chi, kan taksa tana thalo tur lakah insum leh in ven a pawimawh thu a sawi a. Kan tu leh fa,thangthar leh zirlai te chu heng ruihtheih thil leh Mipat Hmeichhiat hman sual pawi thui zia hrilhfiah a, zilh ngam a tul a ni a ti.

Pu R.Lalnunzira, District Agriculture Officer, Kolosib District kaihhruai NLUP sem ah hian mi 116 hnen ah sem a niin, sum sem belhkhawm hi Rs. 2,30,8000/- (Cheng Nuai sawmhnih pathum leh sangriat ) sem chhuah a ni.

Hemi hnu hian Bialtu MLA chuan Lungdaia pawl hrang hrang Kohhran leh MHIP, VC, YMA leh a dang ten an buatsaih ruihhlo ( No 4 ) ti thin te tana Gospel Camping an neih mek chu a tlawh nghal a. Mamawh atana an hman tur in Rs. 5000/- a hlan a ni.