Vawiin May 14, 2009 hian Pu Vanhela Pachuau, Chief Secretary hovin Joint Consultative Committee darkar 3 zet neih a ni. He meeting-ah hian official aiawh mi 6 leh FMGE&W aiawh mi 15 an tel.

Thurel pawimawhte chu hengte hi an ni:-

1)    Delegation of Power chungchang siamthatna turin official lam mi 4 leh Federation lam mi 4 ruatin, thla khat chhunga chinfel nise tih a ni.

2)    Sawrkar hnathawkte LTC neih thin rei tak tihtawp tak chu chhunzawm leh nise. Hmang dik lo chu hrem nise.

3)    Sawrkar hnathawk damlo leh a vengtute tana Diet leh room rent te, kuang man senso te sawrkarin dan angin pe leh se, kuang man chu Rs. 5,000/- aia tam lo nise tih a ni.

4)    Sawrkar hnathawkte hlawh anmahni remtihna tel lova cut sak ni tawh lo se.

5.    Entitlement of Vehicle chungchang ennawn nise. District Officer te leh a kawl awmte pawh enthat nise. Hemi tifel turin Committee din nise. Sawrkar lam leh Federation atangin mi pali ve ve ruatin thla 2 chhunga chinfel nise. He Committee hian 6th Pay recommend-na anga Transport Allowances te pawh lo enfel se tih a ni.

6)    Out Patient te tana M.R.Bill dan tuna sawrkar thuchhuak hi siamtha in Central sawrkar dan anga tih nise. Hei hi Cabinet relfel tura chhawpchhuah vat nise tih a ni.

He JCM Meeting-ah hian Fitment committee Chairman chuan 6th Pay Commission hmanna tura ruahmanna chu tun thla chhung ngei thehluh tum a nih thu a tarlang.

He JCM Meeting Chairman Pu Vanhela Pachuau, IAS, Chief Secretary chuan thurel tur thu tling a awm chuan Meeting koh zin nise a duhthu a sawi a; Mizoram sawrkar hnathawkte hi taima taka hna thawk theuh tur leh, discipline khauh deuha kengkawh turin hotu liante chu a beisei a ni tih thu a sawi. Sawrkar hnathawkte hian dan leh hrai ngai pawimawh a dik taka hnathawh a tul takzet thu a sawi bawk.