Vawiin chawhnu khan JICA Technical Cooperation Project hnuaia Joint Coordination Committee (JCC) chu a vawikhat nan Chief Secretary Office Chamber, New Secretariat Office ah neih a ni. 

Technical Cooperation Project (TCP) project hi Mizoramin ei leh bar a kan intodelh theih nana JICA in Master plan alo siam tawh tihhlawhtlinna atana hmalakna a ni a. Dt 26^th October 2016 khan inremna, Record of Discussions pawh Mizoram sorkar aiawhin Pu Lalmalsawma, Chief Secretary leh JICA team aiawhin Mr. Takema Sakamoto ten an lo sign tawh a. Dt.17.7.2017 khan Irrigation & Water Resources Department, Chief Engineer Committee Room ah Mizoram leh Japan International Cooperation Agency(JICA) te thawhhona tur Technical Cooperation Project chu JICA Team leh line Department ten kick off meeting an neih a ni tawh bawk a ni. 

He project hi kum nga (July 2017 to June 2022) chhung awh tur a ni. Hemi project in a tum ber chu Mizorama sorkar hnathawkte hnena thiamna hlanchhawn ani a, chumi atan chuan Mizorama RD block pali - Bilkhawthlir (Kolasib District), Aibawk (Aizawl District), Serchhip (Serchhip District) leh Champhai (Champhai District) te thlan a ni. 

He Committee ah hian Chief Secretary aiawhin Pu Lalrinliana Fanai, Secretary, Home Dept. chu Chairperson niin Secretaries - Planning & Programme Implementation Department, Finance Department, Irrigation & Water Resources Department, Department of Agriculture, Department of Horticulture leh Land Resources, Soil & Water Conservation Department, Rural Development Department te an tel a. Central Water Commission atangin representative pakhat a tel bawk. JICA atangin Mizorama awm sa JICA Expert Team, mi paruk te leh New Delhi atangin midang pathum an lokal bawk a. JICA team te hi an Chief Representative, JICA India Office Mr. Takema Sakamoto in aho a ni.