Vawiin khan School Education Department Conference Hall-ah School Education Department buatsaihin ni thum chhung awh tur District Training on Joint Data Collection of UDISE 2014 chu hawn a ni. He hun hi Pu H. Lalengmawia, Director, School Education chuan hawngin, ‘School Education Statistics at a Glance 2013-2014’ chu a tlangzarh nghal a ni.

Pu H. Lalengmawia chuan Joint Data Collection of UDISE Data 2014 a inhmanhnawihte chu mahni inring tawk tak chunga hna luhchilh turin leh, documents leh data neih reng rengte chu a rin ngam in, a tha thei ang ber a ni tur a ni, a ti a. He training programme pawimawh tak hi ngaithlatu ni mai lova tih tak takna rilru nen tangkai taka an hman a beisei thu leh, trainee-te chu midang zirtir let thei tura zirchhuak turin a chah a ni.

‘School Education Statistics at a Glance 2013-2014’ hi School Education Department buatsaih niin, he lehkhabuah hian School Education Department information kimchang leh Education Indicators pawimawh tak tak a awm a. Thla hmasa khan School Education Department chuan Annual Publication Bu 2013-2014 a lo tichhuak tawh bawk a ni.

Vawiin training hawnna inkhawm hi Pu B. Lalchhuanliana, Addl. Director, School Education in a kaihruai a, Pi Zorammawii Kawlni, Statistics Cell, Directorate of School Education leh Pi R. Lalremsangi, RMSA ten zirtirna an pe bawk. Training programme hi CRCC(SSA) leh Asst. MIS Coordinator (RMSA) leh Kolasib Dirtrict-te tan buatsaih a ni.