Vawiin khan Mamit DC Conference Hall ah Pi Lalbiaksangi, District Bawrhsap hoin Joint Monitoring Group on Bru Repatriation thutkhawm a ni a, Reang (Bru) chhungkua lo let turte in hmun pek chungchang, Insak lawk phalna leh pawisa pek lawk tur chungchang sawiho a ni.

He meeting-ah hian Reang (Bru) chhungkua lolet turte chu In hmun 40'x 60' a zau pek theih tura State Level ah recommend nise tiin an rel a, Reang (Bru) chhungkua lo let tur ten an insak lawkna tur pawisa pek lawk an phut chu State sawrkar ngaihtuah tura dah nise tiin rel a ni. Chhungkaw lo let tur zingah anmahni duhthu a insak lawk duhte chu Resettlement Village a Administrative Officer (A.O) ten ruahmanna an siampui ang in phalsak nise, District Bawrhsap Office ah hriattir ni bawk se tiin rel a ni.

He meeting-ah hian Joint Monitoring Group member-te an tel tha hle a ni.