Mizoram Legislative Forum on HIV/AIDS thutlukna bawhzuiin vawiin khan District Bawrhsap Pu H.Lalengmawia hovin a pisaah Kolasib district a HIV/AIDS darhzel tur venna atana hmalak dan tur sawiho a ni.

Kolasib district-ah hian HIV+ve/AIDS kaithar an pung ni a hriat anih avangin hmalak hma a tul tih meetingah hian tarlan a ni a. Hemi atan hian awareness campaign uluk leh zuala kalpui leh abikin kum 15-24 inkara hmalak hmasak a tul thu sawi a ni. Mahni dinhmun hriat nan leh HIV+ve ten inenkawlna an dawn hma theih nan thisen test tura inzirtirna uar zawka kalpui dan tur te sawiho a ni bawk a. Hemi atan hian Kawnpui-ah bul tanin hmalak ni se ti a rel a ni.

Kolasib District ah hian December, 2016 khan thisen test 435 atangin HIV+ve 23 hmuhchhuah a ni a, heng zinga 2 chu naupai an ni. Thisen test atanga a lan danin mipat hmeichhiatna atanga kai 10 awmin, hriau thianghlimlo inhman tawm atanga kai 11 an awm a ni.

Attachment

  • Loading attachment...