Tlawmngai Pawl intelkhawm, Jt NGO’s Coordination Committee in vawiin khan Chief Minister Pu Lal Thanhawla a office chamber-ah hmuin, Tuikuk chungchang leh AMC Licensing Regulations chungchang an sawipui.

Tlawmngai Pawl hruaitute hian Tripura transit camp a Tuikuk awmte Mizoram Electoral Roll a chuang chungchang Chief Minister hi an sawipui a, Pu Lal Thanhawla chuan Election Commission thuneihna a nih thu a sawi a. Mizorama State pawnlam mi thenkhatin Mizo hming hmanga sumdawnna kalpui engemawzah an haichhuah thu memberte hian Chief Minister chu hrilh bawkin, Aizawl Municipal Council (AMC) in Licensing Regulations an siam hian sumdawnna lamah Mizote dinhmun a ti derthawng thei dawna an rin thu sawipui bawkin Chief Minister chuan AMC hotute lo sawipui a tum tur thu a hrilh a ni.