Tunhnaia pa (mushroom) eisual chungchang thuthang leng velah Mizoram Sorkar Environment & Forest, PCCF chuan a hnuai ami ang hian thil awmdawn sawiin, ngenna a siam a ni :

Tunhnaiah ‘Pa eisual’ avanga nunna chan an awm tih chanchinbu leh electronic media ah te kan hmu ta fo mai. Nunna hial chan phah te an awm hi a vanduaithlak takzet a ni.

Pa hi eisual ni lovin ramhnuaia tualto pa ei loh chi (poisonous or Non-edible mushroom) ei vang a ni. Pa ei theih chi leh ei theih loh chi te hi an pian hmang lan danah hriat hran a har em em mai a; tin, han ei pawhin a tui vek mai bawk si a, ei tam a awlin chu chuan taksaah na takin a tur khan a thawk ta thin a ni. Pa thenkhat chu kal (kidney) a tichhe thei a, a then thawkna (respitory) leh pumpui (gastric) ah te thawk in, kawthalo leh luak nen harsatna tam tak, thihna thlengin a thlen thei a ni. Fimkhur a pawimawh a, Doctor leh mithiamte thusawi rina, rawn hmasak fo a tha ber.

Forest reserve leh Wildlife Sanctuary chhunga pa (mushroom) te phei chu dan in lak a khap tlat a ni tih pawh hre thar leh theuh turin mipuite an ngenin an chah leh duh a ni.