4909/2025-2026  
Aizawl, 18th March, 2026 : Vawiin chawhnu dar 3:00 khan Pi Lalrinpuii, Minister, Social Welfare, Women & Child Development Department hovin a pisaah Jordan Center, Sethawn Mizoram Synod kuta hlanna tur inremna (Memorandum of Agreement) chu ziah fel a ni a. He inremna ah hian Commissioner & Secretary, Social Welfare, Women & Child Development Pi Lalzarmawii, IAS leh Rev. John Raldosanga, Moderator, Mizoram Synod ten hming an ziak a, hriatpuituah Sorkar lam atangin Pi Zonunthari, Joint Secretary, SW&WCD leh Pi Caroline Hmingthanzuali, Joint Director, Social Welfare ten hming an ziak a, Mizoram Synod lamah Rev VL Luaia, Hranleh, Sr. Executive Secretary leh Rev. Dr. K.Lallawmzuala, Executive Secretary ten hming an ziak bawk.

He inremna ang hi chuan Jordan Center hi Mizoram Synod enkawl turin kum 15 atan hlan a ni phawt ang a. Kumtin Sorkarin tanpuina (Grants-in-Aid) nuai 50 a pe ang a, kum 2 danah 5% a tihpun thin tur a ni dawn a ni. He hmunhma hi ruihhlo avanga harsatna tuarte tan De-Addiction emaw After Care anga kalpui tur a ni dawn a ni.